Bailiúcháin Dhigiteacha
Marian Keyes ag bronnadh a cnuasaigh dhigitigh The Mystery of Mercy Close © Grianghraf le Marc O'Sullivan
Tá Leabharlann Náisiúnta na hÉireann ag cur leis an dóigh a mbailítear ábhar digitghinte atá mar chuidiú againn scéal na hÉireann a chur i láthair.
Táimid ag tabhairt faoi shraith treoirthionscadal faoi láthair le bailiúchán ar leith d’ábhar digitghinte a chur le chéile agus é mar aidhm againn go mbeidh an obair seo mar chuid rialta dár gcuid oibre.
Tá sé seo mar fhreagairt don dúshlán a bhaineann le hábhar digiteach Éireannach a bhailiú, a chaomhnú agus a chur ar fáil, ábhar a bhfuil fás nach bhfacthas riamh ag teacht air agus a bhfuil baol ann go gcaillfear é. Measaimid go bhfuil an caomhnú digiteach mar bhunchloch faoin mbainistiú fadtéarmach ar bhailiúcháin NLI d’ábhar digitghinte agus ábhar digitithe.
Tá an obair ar na bailiúcháin sa treoirthionscadal ar ábhar digitghinte mar chuid de ghealltanas NLI lena dheimhniú go mbeidh na bailiúcháin atá againn mar léiriú ar éagsúlacht na hÉireann.
San ábhar cartlainne seo tá ábhar uathúil nach ann dó ach mar ábhar digiteach. Tá cineálacha éagsúla ábhair ann, mar shampla bailiúcháin phearsanta agus bailiúcháin eagraíochtaí agus iad i meascán formáidí, amhail doiciméid Microsoft Word, grianghraif dhigiteacha, scarbhileoga agus ábhar físe.
An chéad treoirthionscadal digitghinte a fuaireamar ná bailiúchán Mystery of Mercy Close le Marian Keyes. I measc na mbailiúchán digitghinte eile sa treoirthionscadal tá bailiúchán TÁ Comhionannas, bailiúchán Dhaonáireamh an Chroí agus bailiúchán #WakingTheFeminists.
Tuilleadh
Tuilleadh
