Cartlann Ghréasáin

Déantar athrú ar an ngréasán go sciobtha agus, mura dtugtar faoi chartlannú, táimid chun eolas faoinár sochaí agus faoinár gcultúr a chailleadh. Teicneolaíocht atá ag teacht chun cinn atá sa chartlannú gréasáin ina mbítear de shíor ag freagairt d’fhorbairtí teicneolaíochta nua leis an eolas sin a ghabháil.

Déanaimid na céadta láithreán gréasáin a chartlannú gach bliain, láithreáin a bhaineann le gnéithe éagsúla den saol in Éirinn, idir oideachas, an pholaitíocht agus toghcháin, idir cheol agus spórt, eolaíocht agus teicneolaíocht, an Ghaeilge agus imeachtaí domhanda. Déanaimid na nithe seo a chartlannú chun leas an phobail agus cuirimid ar fáil iad le gur féidir taighde agus staidéar príobháideach a dhéanamh orthu. 

Tá bailiúchán NLI de láithreáin ghréasáin chartlannaithe ar thairseach na cartlainne gréasáin. 

Foirm Ainmniúcháin

Cuireann NLI fáilte roimh mholtaí ón bpobal le haghaidh láithreáin ghréasáin ar chóir iad a chur leis an mbailiúchán atá á chur le chéile go leanúnach againn. Líon amach an fhoirm seo thíos leis an ainmniúchán a chur isteach. Is cóir a thabhairt ar aire nach dearbhú é an t-ainmniúchán go mbeidh an láithreán gréasáin mar chuid den chartlann ghréasáin.