Scannánaíocht agus Taifeadadh

Más mian leat iarratas scannánaíochta, grianghrafadóireachta nó taifeadta a chur isteach, féach an t-eolas thíos agus comhlánaigh an fhoirm chuí.

Scannánaíocht, Grianghrafadóireacht agus Taifeadadh ag an Leabharlann Náisiúnta

Iarrtar ort d’iarratas le scannánaíocht a dhéanamh, grianghraif a ghlacadh nó fuaim a thaifeadadh sa Leabharlann Náisiúnta a chur isteach ocht seachtaine ar a laghad roimh an dáta beartaithe ach an fhoirm iarratais ar líne a chomhlánú thíos. Caithfidh ball foirne maoirseacht a dhéanamh ar aon scannánaíocht, grianghrafadóireacht agus taifeadadh fuaime a dhéantar sa Leabharlann Náisiúnta. Mar gheall ar éileamh agus acmhainní, ní féidir gach iarratas a cheadú.

Ábhair

Molaimid do gach duine ar mian leis scannánú a dhéanamh ar ábhar a chuid taighde féin a dhéanamh roimh an áirithint. Is féidir leat breathnú ar ár gcatalóg ar líne anseo.

Cuir sonraí maidir leis na míreanna (gairmuimhreacha san áireamh) leis an bhfoirm iarratais thíos.

Spásanna atá ar fáil i gcomhair scannánaíochta

Reading Rooms - limited to outside opening hours (before 9am or after 5pm on Monday, Thursday and Friday only)

céimeanna – cén chaoi spás a chur in áirithe i gcomhair scannánaíochta

Céim 1: Comhlánaigh an fhoirm iarratais thíos

Cuir isteach an fhoirm iarratais thíos ocht seachtaine ar a laghad roimh an dáta beartaithe. Ní mór duit sonraí árachais a chur ar fáil. Caithfidh ball foirne maoirseacht a dhéanamh ar aon scannánaíocht, grianghrafadóireacht agus taifeadadh fuaime a dhéantar sa Leabharlann Náisiúnta.

Molaimid do gach duine a chuid taighde féin a dhéanamh roimh dó an fhoirm iarratais a chomhlánú. Is féidir leat breathnú ar ár gcatalóg ar líne anseo: catalogue.nli.ie. Breac síos na teidil, na húdair agus na gairmuimhreacha. Is féidir leat iad a lua ar an bhfoirm thíos.

Céim 2: Fan ar dheimhniú ón Leabharlann Náisiúnta

Deimhneoidh an Leabharlann cibé acu an bhfuil an tionscadal ag teacht lenár luachanna , an mbeidh na seomraí ar fáil agus an mbeidh baill foirne ann le cabhrú leat.

Céim 3: Athbhreithnigh na costais agus deimhnigh

Féach na táillí sa tábla thíos. Agus socruithe á ndéanamh agat le scannánaíocht/taifeadadh a dhéanamh ag an Leabharlann Náisiúnta, bíodh a fhios agat go bhfuil tú ag baint úsáid as am ár bhfoirne le míreanna a fháil agus a mheas, le comhfhreagras a dhéanamh leat, le hullmhúchán a dhéanamh agus le cúnamh a thabhairt duit ar an lá.

Céim 4: Cúrsaí lóistíochta

Deimhnigh an sceideal agus cuir chugainn sonraí faoin tiománaí/faoi na tiománaithe agus faoi chláruimhreacha na feithicle/na bhfeithiclí más rud é go mbeidh áiteanna páirceála ag teastáil. Deimhnigh na socruithe le do theagmhálaí sa Leabharlann Náisiúnta.

Céim 5: Tar chuig an láthair

Tar chuig an Leabharlann Náisiúnta ag an am ceart. Abair le duine den fhoireann go bhfuil tú tagtha. Cuirfidh sé nó sí fáilte romhat agus treoróidh tríd an bhfoirgneamh thú. De réir bheartas sláinte agus sábháilteachta na Leabharlainne Náisiúnta, ní bheidh cead ag baill foirne cabhrú leat trealamh a iompar.

Tabhair faoi deara go mbeidh ort ionduchtú sábháilteachta a dhéanamh ar theacht chuig an láthair duit.

Táillí

Scannánaíocht/grianghrafadóireacht ar an láthair Tabhair meastachán ar líon na n-uaireanta a bheidh ag teastáil le haghaidh an tionscadail, lena n-áirítear an t-am tosaithe/an t-am críochnaithe. Cuir 20 nóiméad i leataobh le haghaidh ionduchtú éigeantach sábháilteachta. *Beidh táillí breise i gceist más gá scannánú a dhéanamh lasmuigh de na gnáthuaireanta gnó	€250 san uair*
Leabhair, micreascannán, nuachtáin a aisghabháil	€10 an mhír
Ábhar cartlainne a aisghabháil	€20 an fillteán
Nuachtáin a aisghabháil ó stóráil sheachtrach	€25 an t-imleabhar / an bosca

Líon uasta na míreanna = 20

D’fhéadfadh táillí faoi leith as cóipcheart agus cead a bheith i gceist. Féach ár leathanach maidir le Cead ar Athúsáid le sonraí a fháil.

*Seans go mbeadh tuilleadh baill foirne ag teastáil, bunaithe ar scála na scannánaíochta, agus bheadh costais bhreise i gceist dá mbeadh.

Foirm Áirithinte Scannánaíochta

Ainm na hEagraíochta

Seoladh na hEagraíochta

Ainm an Teagmhálaí

Uimhir Theileafóin

Ríomhphost

Ar mhaith leat an sonrasc a sheoladh de réir na sonraí thuas?

Murar mhaith, tabhair ainm, seoladh agus ríomhphost.

An bhfuil cumhdach árachais dliteanais phoiblí agat?

Deimhnigh méid an chumhdaigh árachais dliteanais phoiblí:

(agus seol cóip den litir dearbhaithe árachais trí ríomhphost chuig development@nli.ie

Liability insurance document

Choose file

One file only.
64 MB limit.
Allowed types: pdf.

Cur síos ar an ngníomhaíocht / imeacht:

Lucht féachana atá beartaithe (Ar an láthair, tarchur nó foilsiú srl.):

Duine teagmhála suímh agus líon criú

Suíomh(anna) NLI beartaithe

Dáta(í) beartaithe

Fad an AV/soilsithe/scannánaíochta/grianghrafadóireachta:

(lena n-áirítear am socraithe agus clabhsúir)

Míreanna bailiúcháin a ndéanfaí scannánú orthu/grianghraf a ghlacadh díobh:

(áirigh gairmuimhreacha)

Tabhair sceideal den trealamh le níos mó ná 100 Vata le húsáid:

Admhaigh go n-aontaíonn tú leis na coinníollacha thíos

D’fhéadfadh sé nach mbeadh gach bunábhar oiriúnach le scannánú a dhéanamh air ná grianghraf a ghlacadh de. Déanfaidh ball d’fhoireann na Leabharlainne measúnú ar gach mír, agus i gcás go bhfuil mír mí-oiriúnach, cuirfimid é sin in iúl duit a luaithe is féidir.
Caithfear clúdach árachais fostóra agus dliteanais phoiblí (ceangail cóip den chlúdach) a sheoladh chuig bainisteoir NLI an imeachta.
Beidh ball d’fhoireann na Leabharlainne i láthair i gcónaí, ar chúiseanna slándála agus caomhnaithe. Ag brath ar scála na hoibre teicniúla a bheidh i gceist, d’fhéadfadh sé go mbeadh gá le tuilleadh baill foirne, agus ghearrfaimis táille breise ort sa chás sin.
Ní mór treoirlínte láimhseála na Leabharlainne a leanúint, lena n-áirítear tacaíochtaí agus lámhainní a úsáid nuair a mholtar.
Beidh táille chealaithe de 50% den táille suímh agus 100% den táille aisghabhála i bhfeidhm má chuirtear an áirithint ar ceal laistigh de 48 uair an chloig den choinne.
D’fhéadfadh táillí faoi leith a bheith i gceist as cóipcheart agus cead, nasc chuig [Sonraí maidir le cead chun leathanach a athúsáid]
Ní mór aitheantas a thabhairt don Leabharlann sna creidiúintí scannáin agus sna foscríbhinní grianghraif mar seo a leanas: Le caoinchead ó Leabharlann Náisiúnta na hÉireann.
Caithfidh pearsanra Soilsithe/AV/Scannánaíochta/Grianghrafadóireachta agus imeachtaí dul faoi Ionduchtú Conraitheora NLI sula dtosaíonn siad ar obair sna foirgnimh.
Teastaíonn cead roimh ré le haghaidh eitiltí dróin thart ar NLI.
Molaimid áirithint a dhéanamh 2 sheachtain ar a laghad roimh scannánaíocht, grianghrafadóireacht, nó imeacht beartaithe faoi réir scála na hoibre pleanáilte.

Déanfaidh NLI na sonraí pearsanta a thabharfaidh tú dúinn a phróiseáil de réir ár Ráitis Príobháideachais Sonraí.

Signature

Choose file

One file only.
64 MB limit.
Allowed types: gif, jpg, jpeg, png.