Tá Léacht Joseph Hassett Yeats 2024 á tabhairt ag Belinda McKeon

Bhí an léacht i mbliana, dar teideal "Yeats agus Earraí Tí," tugtha ag úrscéalaí mór le rá Belinda McKeon, ar Ollamh Comhlach i Scríbhneoireacht Chruthaitheach in Ollscoil Mhá Nuad í.

Sa chaint, rinneadh imscrúdú ar an gceangal idir Yeats agus gnáthrudaí—troscáin, fearas agus maoin a bhí aige—agus an tábhacht a bhí ag baint leo ina shaol agus ina shaothar. Bhain McKeon leas as litreacha pearsanta de chuid Yeats, amhail an litir chuig Lady Gregory i mí Aibreáin 1916, inar phléigh sé gnáth-thopaicí cosúil le feabhsúcháin a rinneadh ar a árasán i Londain, chun a thaispeáint an chaoi a léirigh na cúraim seo a mheon níos leithne maidir le baile, féiniúlacht agus muintearas. Chuir McKeon béim ar roinnt earraí ó bhailte de chuid Yeats chun nasc a léiriú idir saol theaghlaigh an fhile agus a shaothair liteartha.

Bhí Amharclann Léachta Joly, ar osclaíodh le déanaí í, plódaithe le lucht freastail a bhí ar bís oidhreacht Yeats a cheiliúradh agus gnéithe dlúthphearsanta a shaoil a fhiosrú trí dhearcadh eolach McKeon agus trína cuid scéalaíochta.

Is éard atá i Léacht Bhliantúil Joseph Hassett ná ócáid bhliantúil le saothar Yeats a chomóradh, arna tacú go fial ag Joseph Hassett, ar dlíodóir, scoláire liteartha agus daonchara é. Tá an léacht spreagtha i gcónaí ag an taispeántas seanbhunaithe ag chuid Leabharlann Náisiúnta na hÉireann, "Saol agus Saothair William Butler Yeats," ina bhfuil an bailiúchán is mó ábhar a bhaineann le Yeats ar domhan, a bhonn Duais Nobel san áireamh.

Dóibh siúd a bhfuil suim acu tuilleadh fhaisnéise a fháil, molaimid cuairt a thabhairt ar ár dtaispeántas leanúnach dar teideal Yeats: Saol agus Saothair William Butler Yeats.