Buaiteoirí Poetry Aloud 2024 fógartha ag NLI

Tá buaiteoirí an chomórtais Poetry Aloud 2024 fógartha ag Leabharlann Náisiúnta na hÉireann (NLI), i gcomhar le hÉigse Éireann agus le Coláiste na hOllscoile, Corcaigh. Leis an gcomórtas bliantúil, ceiliúrtar ealaín na haithrise filíochta agus tá sé ar oscailt do dhaltaí iar-bhunscoile ó gach cearn d’oileán na hÉireann.

Is í Anna Rose Nic Mhanais Buaiteoir Foriomlán na bliana, rannpháirtí na Catagóire Sinsearaí ó Choláiste Íde i nDaingean Uí Chúis, Co. Chiarraí. Chuir Anna Rose na moltóirí faoi dhraíocht lena haithris ar ‘The Arrival of the Bee Box’ le Sylvia Plath.

Buaiteoirí 2024 Poetry Aloud

• Catagóir Shóisearach:

  • Buaiteoir: Kieran Flynn, Meánscoil Nua an Leith Triúigh, Caisleán Ghriaire, Co. Chiarraí
  • Dara háit: Luke Power, Pobalscoil na Gráinsí, Ros Mhic Thriúin, Co. Loch Garman

• Catagóir Idirmheánach:

  • Buaiteoir: Saorlaith Ní Chionna, Coláiste Oiriall, Cnoc an Chonnaidh, Co. Muineacháin
  • Dara háit: Azeezat Oluwatobiloba Yussuff, Coláiste Mhuire, Dún Dealgan, Co. Lú

• Catagóir Shinsearach:

  • Buaiteoir agus Buaiteoir Foriomlán: Anna Rose Nic Mhanais, Coláiste Íde, Daingean Uí Chúis, Co. Chiarraí
  • Dara háit: Labhaoise Ní Lonargáin Ní Chonamhara, Gaelcholáiste Chéitinn, Cluain Meala, Co. Tiobraid Árainn

Ceiliúradh Tallainne

Mheall an comórtas rannpháirtithe ó cheann ceann na tíre i mbliana, agus léiríodh leis na hiontrálacha tuiscint láidir na ndaoine óga ar oidhreacht fhileata shaibhir na hÉireann. Roghnaíodh na hiomaitheoirí sa bhabhta ceannais ó na céadta iontráil ó réimse leathan scoileanna agus contaetha éagsúla, rud a léiríonn tarraingt bhuan na filíochta agus an taispeántais.

Comhghairdeas ó chroí le gach rannpháirtí agus le buaiteoirí Poetry Aloud 2024 as a ndúthracht shármhaith i leith ealaín na haithrise filíochta.

Léigh an phreaseisiúint ina hiomláine.