Réimse earraí a fuarthas in 2022 á nochtadh ag Leabharlann Náisiúnta na hÉireann

I measc an ábhair a bailíodh tá an bronnadh armais Éireannach is luaithe a bhfuil eolas air, ó 1554; albam grianghraf agus foscríbhinní curtha de láimh leis ó Elizabeth 'Lollie' Corbet Yeats, deirfiúr le WB Yeats; litir ó aire mar fhreagra ar achainí le tuilleadh tae a fháil nuair a bhí ciondáil i bhfeidhm le linn an Dara Cogadh Domhanda; agus póstaeir ó na 1960idí ó thithe pictiúrlainne i bPort Laoise agus Mala.

Agus í ag labhairt ar na hearraí nua a cuireadh leis an mbailiúchán náisiúnta in 2022, arsa Stiúrthóir Gníomhach LNÉ, Katherine McSharry: “Obair ó cheann ceann na bliana d’fhoireann LNÉ atá ann cuimhne na hÉireann i ngach aois a bhailiú, bíodh sin earraí ón 16ú haois nó ó 2022.  Cuirtear na mílte earraí — leabhair, nuachtáin, grianghraif, litreacha, láithreáin ghréasáin agus go leor eile — le bailiúcháin NLI agus déantar iad a chatalógú gach bliain. Faightear cuid acu faoi thaisce dhlíthiúil — an ceanglas reachtúil go ndéanfar cóip den ábhar ar fad a fhoilsítear in Éirinn a thaisceadh le leabharlanna áirithe, lena n-áirítear NLI — bronnann daoine aonair nó eagraíochtaí cuid acu, agus is ceannacháin iad cuid eile. Cuidiú atá i ngach ceann acu scéalta na hÉireann a insint.”

Is féidir an phreaseisiúint iomlán a léamh anseo.