Tá Chartlann Paul Durcan á sealbhú ag NLI

Tá an chartlann seo, a chlúdaíonn an tréimhse ó na 1960idí go dtí an lá inniu, comhdhéanta de na céadta leabhar nótaí agus fillteán ón bhfile, ina bhfuil dréachtaí lámhscríbhinne dánta agus saothair eile, chomh maith le 'cóipeanna léitheoireachta' nótáilte de shaothair an fhile, litreacha, cártaí agus earraí inbhailithe. Fuarthas an chartlann le maoiniú a chuir an Roinn Turasóireachta, Cultúir, Ealaíon, Gaeltachta, Spóirt, agus Meán ar fáil.

Thosaigh Paul Durcan, duine de na filí comhaimseartha is iomráití in Éirinn, ag scríobh sna 1960idí. Mar bhall d’Aosdána, tá go leor leabhar filíochta foilsithe ag Durcan ó shin. Áirítear ar a chuid gradam, an chatagóir fhilíochta sna Dámhachtainí Litríochta Whitbread (a dtugtar na Costa Book Awards orthu anois) sa bhliain 1990. Luaigh an tUachtarán Mary Robinson ceann dá dhánta ina hóráid insealbhaithe an bhliain chéanna sin. D'oibrigh sé mar Ollamh Filíochta na hÉireann ó 2004 go 2007.

Cuireann an chartlann in iúl go bhfuil Durcan mar scríbhneoir litreach bisiúil, agus san áireamh tá comhfhreagras le scríbhneoirí eile - lena n-áirítear Seamus Heaney, Brian Friel agus John McGahern - faoi chúrsaí litríochta agus pearsanta, agus le raon leathan de dhaoine liteartha eile, chomh maith le polaiteoirí agus ealaíontóirí.

Áirítear sa chartlann bailiúchán beag litreacha ó Dubhghlas De hÍde, Maurice Moore, agus Maud Gonne, agus ábhair stair teaghlaigh MacBride, atá bainteach le Durcan trína sheanathair ar thaobh a mháthair.

Is í NLI anois an taisclann is tábhachtaí gur féidir tabhairt faoi staidéar ar shaol agus ar shaothar Paul Durcan in Éirinn agus an sealbhúchán seo ag dul leis na hoidhreachtaí atá aici cheana féin de pháipéir Paul Durcan, a fuarthas in 2006.

Beidh an bailiúchán ar fáil do thaighdeoirí go luath, tar éis críochnú na bpróiseas cláraithe agus caomhnaithe.

Preaseisiúint iomlán ar fáil anseo.