Bhunaigh pobal deartha cumarsáide na hÉireann an bailiúchán Cartlann 100 in 2012 agus is ardán é chun sármhaitheas dearaidh a léiriú. Gach bliain, coimeádtar 100 tionscadal suntasach a léiríonn réimse méadaitheach an dearaidh cumarsáide - a chuimsíonn dearadh grafach, dearadh eagarthóireachta, dearadh cló, dearadh branda, dearadh digiteach agus dearadh gluaisne. Baineann na tionscadail seo le gach rud ó fhógráin do chlubanna áitiúla go hathbhrandaí corparáideacha domhanda, agus ó fhéiniúlachtaí gnólachtaí beaga go feachtais abhcóideachta sóisialta a bhfuil tionchar acu.
An tseachtain seo caite, seoladh an rogha do Chartlann 100 do 2023 ag Ceanncheathrú Etsy i mBaile Átha Cliath. Roghnaíodh trí thionscadal de chuid Leabharlann Náisiúnta na hÉireann, arna ndéanamh ag an dearthóir intí, Emma Conway, le cur san áireamh sa chartlann seo. I measc na bpríomhshaothar dá cuid, tá na haitheantais do ‘Déanach ag an Leabharlann’, ‘Daoine agus Áiteanna’, agus ‘Yeats 100’.
Dúirt Emma Conway, dearthóir intí Leabharlann na hÉireann:
"Nuair a bhíonn deis agam leathnú amach agus dearadh níos gearrshaolaí a chruthú, tapaím an deis sin chun rud éigin nua agus spreagúil a chruthú, rud a tharraingeoidh súil cuairteoirí chun na Leabharlainne, b’fhéidir."
![Image of street billboard](/sites/default/files/styles/image_with_caption_small/public/2024-07/screenshot-2024-07-24-at-14.55.25.png?h=fa336912&itok=SOJOK6yZ)
Late at the Library - on street promotion
![Yeats 100 identity](/sites/default/files/styles/image_with_caption_small/public/2024-07/screenshot-2024-07-24-at-14.57.03.png?h=b166ad74&itok=nB4tAdjT)
Yeats 100 logo
![People and Places Design](/sites/default/files/styles/image_with_caption_small/public/2024-07/screenshot-2024-07-24-at-14.56.16.png?h=4d8eef89&itok=Ic2SvICa)
People and Places - social media assets
Cartlann Ghréasáin Leabharlann Náisiúnta na hÉireann X Cartlann100
In 2018, thosaigh Leabharlann Náisiúnta na hÉireann ag caomhnú suíomhanna gréasáin arna roghnú ag Cartlann 100 a chaomhnú go digiteach trí Chartlann Gréasáin Leabharlann Náisiúnta na hÉireann. Cé go mbaineann Cartlann 100 leas as modh uathúil chun obair dhearaidh ghrafach na hÉireann a roghnú agus a léiriú, agus taifead saibhir dár bpobal a chruthú ar líne, is le cabhair Leabharlann Náisiúnta na hÉireann atá céimeanna á nglacadh ag Cartlann 100 chun obair dheartha dhigiteach a chaomhnú i gceart ionas go mbeidh sí ar fáil go poiblí amach anseo.
De réir Joanna Finnegan ó fhoireann Bhailiúcháin Dhigiteacha Leabharlann Náisiúnta na hÉireann:
“Is leochaileach, uathúil agus fíorluachmhar cibearspás na hÉireann. Tá an-áthas orainn dul i mbun oibre lenár gcomhpháirtithe tionscadail Cartlann 100 chun taifead ar líne de shármhaitheas dearaidh na hÉireann a shábháil.”
![Image of presentation](/sites/default/files/styles/image_with_caption_small/public/2024-07/screenshot-2024-07-24-at-14.41.43.png?h=37012948&itok=xKI71jpM)
100 Archive launch at the Etsy Headquarters in Dublin
Tuilleadh eolais ar fáil ar shuíomh gréasáin Chartlann 100.
Féach na tionscadail roghnaithe go léir atá luaite anseo:
https://www.100archive.com/projects/late-at-the-library
https://www.100archive.com/projects/yeats-100
https://www.100archive.com/projects/people-and-places-exhibition